يعوّض البحر قبالة شاطئ مخيم الرشيدية، جنوب لبنان، ما أفسده غياب التيار الكهربائي، في ظل أزمة تقنين غير مسبوقة، وأجواء حارة، فيشكل متنفساً للأهالي، ومكان استراحة، بخاصة وأن امتداداته تصل إلى شاطئ الوطن المغتصب.
الشباب يقضون معظم أوقاتهم على الشاطئ، يلهون، ويسبحون، ويتنفسون هواءً نقياً بعيداً عن أجواء التلوث.
وفي هذا السياق، قال علي السيد لـ"وكالة القدس للأنباء": "لما أصحى من النوم بكون كتير مضغوط، فبلجأ للبحر للتخفيف عن نفسي، بضع مظلة صغيرة وبفترش الرمل، وبجيب معي مي باردة، وبظل هيك للعصر، بكون برد شوي الطقس، برجع للبيت بأكل وبزبط شوي أموري، وبرجع للبحر، لأنو هوي الشي الوحيد ألي بصبرني بهذا الوضع".
"البحر هو مدفن معاناتي وهمومي"، هكذا بدأ المواطن خالد أبو رياض حديثة لـ"القدس للأنباء"، مضيفاً: "شاطئ البحر طالما كان صدره واسعاً لاستقبالي، أتي اليه محملاً بمشاكلي وأزماتي، بحكي مع حالي شوي، وبفضفض للبحر، لحتى حس حالي صرت أحسن، بعدين بنزل للبحر بسبح وبلعب بالرمل، لحتى يخلص لنهار وتغيب الشمس، وبرجع بطلع عالبيت وبنرجع لنفس المشاكل والمعاناة".
بدوره، قال محمد قاسم: "ما في عنا لا كهربا ولا مي، والوضع كرمال ما بسوء أكثر، والحياة صارت بمخيم الرشيدية كتير صعبة وعمتزداد معاناتنا اليومية بسبب الإمكانيات المحدودة، لهيك بنضطر نحنا الأهالي إلى البحث عن أماكن ترفيه لنقضي أوقات بعيداً عن ضغوط الحياة وتردّي الأوضاع الاقتصادية، لهيك ما ألنا الا البحر صديق بهاي الأوقات العصيبة".