خاص: اللاجئون الفلسطينيون لـ"القدس للأنباء": أوضاعنا المعيشية باتت مأساوية

27 آذار 2020 - 02:39 - الجمعة 27 آذار 2020, 14:39:36

وكالة القدس للأنباء - زهراء رحيّل

يعيش اللاجئون الفلسطينيون في المخيمات والتجمعات الفلسطينية جنوب لبنان أوضاعاً إنسانية وإجتماعية مأساوية،  خاصة في ظل انتشار فيروس كورونا في البلاد. 

وفي هذا السياق، قال ابو سامح إبن تجمع المعشوق الواقع جنوب لبنان لـ "وكالة القدس للأنباء":"أنا اليوم ألتزم الحجر المنزلي وأطبق أقسى درجات الإقتصاد، نحاول بكل ما فينا أن نتجاوز الازمة على خير، لكن الأزمة الإقتصادية هي بمثابة هم على صدورنا ليس لنا مدخل ثاني، معظم الفلسطينيون يعتمدون على المسافرين اقتصاديا وانا واحد منهم لكن هذه المرة هم مثلنا عاطلين عن العمل". 

من جهتها، قالت أم حمزة ابنة مخيم برج الشمالي:" نحن ملتزمين بالحجر المنزلي ما عم نطلع من البيت، أصلاً من قبل كورونا ما في شغل، والبيت فاضي ما فيو شي وما حدا عم يسأل عن حدا، المفروض الأونروا بهيك ظروف تقدم مساعدات أو يمكن ناطريتنا لنموت من الجوع؟ 

بدورها اللاجئة منال أميوني قالت:" والله الوضع داخل المخيمات سيء جداً، والله في ناس ما معها حق ربطة خبز حتى ٢٥٠ ليرة تعطيها لإبنها ما معها، يلي عم يشتغل  بالبساتين ب ٥ الف ليرة بالنهار شو بدو يكون معن مصاري ليقدروا يمونوا البيت، ولا فصائل ولا أونروا عم تسأل عن المعترين، والله يعين يلي عندو أجار بيت ". 

الوضع الاقتصادي في المخيمات الفلسطينية خطير جداً ويستدعي تحركاً عاجلاً وسريعاً من قبل الفصائل الفلسطينية ووكالة الأونروا لدعم اللاجئين في ظل هذه الأزمة.

انشر عبر
المزيد